Charta permutationis terrarum in villa Sarciaco inter monachos Cluniacenses, ex una parte, et Wionum uxoremque ejus Ambrosiam, ex altera.
Placuit atque convenit inter donnum Maiolum, abbatem, et fratres Clunienses, necnon ab alia parte quendam virum, nomine Wionum, et uxorem suam Anbrosiam, ut inter sese quasdam terras commutarent; quod et fecerunt. In primis donant Vuionus et uxor sua A[mbro
sia] monachis unum campum qui est situs in pago Matisconense, in agro Ainiacense, in villa Sarciaco; et terminatur a mane rivo volvente, a medio die de ipsa hereditate, a sero terra Radulfi, a cirtio terra Sancti Nazarii, et habet in longum perticas LV et in latum III. Econtra donant monachi predicto viro curtile I in ipsa villa, qui terminatur a mane terra Ostroldi, a medio die de ipsa hereditate, a sero via publica, a cirtio terra Leotaldi, et habet in longum perticas VII, in una fronte IIII, et in alia III et dimidiam. Infra istas terminationes, totum cum omni integritate sibi invicem commutant, et faciant utrique de suo quod vult. S. donni Maioli, abbatis. S. donni Viviani, prepositi. S. Vuiberti et Rostanni, Leutboldi, Teoderici, monachorum. S. Vuioni et uxoris ejus Anbrosię. S. Richelmi. S. Ostroldi. S. Gisboldi. S. Gondranni. S. Dominici. Data per manum Eldradi, mense maio, anno XXIX Lotharii regis.