CCE: cartae cluniacenses electronicae
Database of the Charters of the abbey of Cluny (802-1300)

BB 1635     View  [Back]
Charta qua Eldelenus et uxor ejus Dizia dant monasterio Cluniacensi campum in villa Karsiniaco.
Domino fratribus. Ego Eldelenus et uxor mea Dizia, pro Dei amore et pro remedio animarum nostrarum, et in locum sepulturę, donamus de rebus nostris quę sunt sitę in pago Matisconense, in agro Ciciacense, in villa Karsiniaco, videlicet campum unum, Sancto Petro; qui terminatur a mane et a cirtio de ipsa hereditate, a medio die et a sero terra Sancti Jangulfi et Sanctę Marię et Adaroldi. Infra istas terminationes, totum ad integrum donamus, nullo contradicente. Si quis vero contradicere voluerit, auri unciam componat, et postea firma et stabilis permaneat, cum stipulatione subnixa. Signum Eldeleni et uxoris ejus Dizię, qui istam donationem fecerunt et ipsi firmaverunt. S. Dodonis et fratris ejus Aremberti, presbiteri. S. Oylardi. S. Eldeleni. S. Erichi. S. Alcherii. Data per manum Ingelberti, presbiteri, idus augusti, anno XXXVIII regnante Lothario rege.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung