Placuit atque convenit inter venerabilem abbatem Maiolum et fratres Clunienses, necnon etiam cuidam viro, nomine Arleo, ut inter se quasdam terras scamiarent; quod ita fecerunt. In primis donant fratres Clunienses campum unum in comitatu Matisconensi, in villa Marciacensi, qui terminat a mane Sancti Petri, a medio die Sancti Vincentii, a sero via publica, a certio Sancti Vincentii; et in alio loco donant in ipsa villa campum alium, qui terminat a mane terra Heldradi, a medio die terra Sancti Petri, a sero terra Duranni, a cercio Sancti Petri; et donant iterum in alio loco alium campum, qui terminat a mane via publica, a medio die terra Constancii, a sero via publica, a cercio Arlei; et donant campum in villa Colonicas, qui vocatur Lujat: habet in longo perticas XXXII, in lato I. Infra istas terminaciones, totum ad integrum donant fratres Arleo. Iterum Arleus donat ad locum Cluniacum et ad fratres quandam suam terram: hoc est campum unum qui terminat de tribus partibus terra Sancti Petri, a sero via publica, et est situs ipse campus in villa Cassanicas; et donat iterum in villa Colonias alium campum, qui terminat a mane de ipsa hereditate, a medio die terra Sancti Petri, a sero similiter, a cercio via publica: habet in longo perticas XLII, in lato XV; et iterum donat in villa Turris illam terram totam quam in ipsa villa habet. Infra istas terminationes, totum ad integrum donat predictus Arleus ad jam denominatum cœnobium. Et faciat unusquisque de suo quod accipit quicquid facere voluerit. Maiolus, humilis abbas Cluniacensis. Vuivianus peccator. S. Balduini. S. Teuderici. S. Bonizoni. S. Leudfredi. S. Achedei. S. Adraldi. S. Vuarneri. S. Benedicti. S. Armanni. S. Constancii. S. Lanberti. S. Constantini. S. Agberti. S. Pauli. S. Ingelberti. Data per manum Rothardi, anno XXX Hlotharii regis.