Charta qua Adalbertus presbyter dat monasterio Cluniacensi res suas in villa Virziaco, et in Castaneto, Rodgolia et Valeria.
Salvator humani generis, previdens salutem fidelium suorum, dicit per suam veridicam vocem: «Date helemosinam, et omnia munda sunt vobis.» Unde ego Adalbertus, sacerdos, dono Deo et sanctis apostolis ejus Petro et Paulo et ad locum Cluniacum, aliquid ex rebus meis que sunt site in pago Matisconense, in agro Ibgiacense, in villa Virziaco: hoc est mansum cum campo simul tenente, in Castaneto vocant; terminat a mane terra Sancti Vincentii, a medio die via publica, a sero terra Rainfredi, a cercio reo volvente. Infra istas terminationes, totum ad integrum dono. Item in alio loco dono vineam cum campo, ad Rodgoliam vocant; terminat a mane terra Sancti Mammetis, a medio die Sancti Petri, a sero Sancti Vincentii, a cercio Sancti Petri. Infra istas terminationes, totum ad integrum similiter dono; et iterum dono tres petiolas de prato, in Valeria vocant. Hæc omnia denominata trado ad prefatum locum a die presenti, et in relico tempore pro anime meæ remedio et parentum meorum, et faciant post hac die fratres ipsius loci exinde quidquid facere voluerint in omnibus. Si quis autem aliquam calumniam inferre voluerit, non valeat vindicare quod repetit, sed cogente potestate, auri libram I persolvat, et inantea firma et stabilis permaneat, stipulatione subnixa. Actum Cluniaco. S. Adalberti, presbiteri, qui fieri et firmare rogavit. S. Gotte
fredo. S. Alexandra. S. Teotbert. S. Eldini. S. Aroardi. S. Warenbert. S. Lanboldi. S. Martino. S. Bernardi. S. Rainoldi. Data mense maio, anno XXX Hlotharii, regis Francorum. Rothardus, ad vicem cancellarii, recognovit.