Charta qua Oddo et uxor ejus Gela notum faciunt se terram in villa Cassanias monasterio Cluniacensi vendidisse.
Noverint universi fideles, quod ego Oddo et uxor mea, Gela nomine, vendimus ad locum Cluniacum et ad monachos inibi commanentibus, aliquid ex rebus nostris, que sunt site in pago Matisconensi, in agro Marziacensi, in villa Cassanias: hoc est terra que terminat de tribus partibus terra Sancti Petri, a sero terra Arlei. Infra istas terminaciones, tertiam partem eis vendimus, et accipimus pretium ex eis XX denarios; et faciant post ac die de his rebus in omnibus quecumque facere voluerint. S. Oddonis et uxoris ejus Gela, qui fieri et firmare rogaverunt. S. Aymanni. S. Rodulfi. S. Constantini. S. Ingelbaldi. S. Adalgrimi. S. Grimaldi. Data mense maio, anno XXX Hlotharii regis. Rothardus rogatus scripsit.
(Au dos:) Oddo in Cassanias.