Charta qua Arleius dat monasterio Cluniacensi pro anima uxoris suæ Gislæ et Isembardi, patris ejusdem Gislæ, curtilum cum servis in villa Barbareias.
Ego igitur, in Dei nomine, Arleius dono Deo et sanctis apostolis ejus Petro et Paulo, ad locum Cluniacum, aliquid ex rebus meis, pro remedio animę meę et Gislę, uxoris meę, atque Isembardi, patris ejus, qui ipsam hereditatem cum filia sua dedit mihi: hoc est unum curtilum cum omnibus apenditiis suis, scilicet campis, vineis, pratis, vineis, silvis. Est autem ipse curtilus situs in pago Matisconense, in villa Barbareias, in agro Balodrensi. Dono etiam unum servum, nomine Abraham, cum infantibus suis his nominibus: scilicet Iviono, Emenardo, Maria, Isengarda, Landradana; hisque Abraham super ipsum curtilum manere videtur. Facio autem hanc donationem tali tenore, ut monachi supradicti loci faciant quicquid voluerint. Qui autem calumpniare presumpserit, non valeat vindicare quod repetit, sed coactus judiciaria potestate, auri libras VI persolvat, et postea firma et stabilis permaneat, stipulatione subnixa. Dono etiam et alium servum, nomine Tedoenum et Garlendam, cum infantibus suis. S. Arlei, qui fieri et
firmare rogavit. S. Sofredi. S. Ingelelmi. S. Rotberti. S. Isengaudi. S. Seguini. S. Arlei. S. Ayanę. Data mense maio, regnante Lothario rege anno XXX. Joslenus, levita, scripsit.