Dominus ac Salvator noster, salutem humani generis desiderans, jubet ut quandiu vivimus piis et bonis operibus jugiter insistamus, et de his quę jure possidemus non moremur elemosinę operam dare. Quapropter noverint universi fideles, quod ego Heilaria, uxor Rotberti, dono Deo et sanctis apostolis ejus Petro et Paulo, ad locum Cluniacum, aliquid ex rebus prefati Rotberti, pro remedio animę ęjus, videlicet unum curtile cum terra et pratis, in pago Augustudunensi, in agro Mediolanensi, in villa Terviacho, et quicquid in ipsa villa visi sumus habere, cultum et incultum, quesitum et ad inquirendum, totum ad integrum; et faciant habitatores supradicti loci quicquid facere voluerint. Si quis vero hanc donationem calumpniare voluerit, non valeat vindicare quod repetit, sed coactus auri libras III persolvat, et inantea firma et stabilis permaneat, stipulatione subnixa. Actum Cluniaco publice. S. Heilarię, quę donavit et ipsa firmavit. S. Emmę. S. Rannaldi. S. Stephani. S. Arlei. S. alii Arlei. S. Hildegarii. S. Josberti. S. Gisonis. S. Sofredi. Data mense maio, anno XXX Lotharii regis. Warnerius scripsit.