Notum sit omnibus christianis quod ego Guiliriada femina vendo monachis Cluniensibus de uno prato totam suam partem ad integrum, et accipio precium solidos II et de meo jure in eorum potestate trado, et faciant quod voluerint; quod pratum est situm in pago Matisconense, in agro Marziaco, in villa Casagnias, et terminatur a mane et a cirtio aqua Graona, a meridie terra ipsius Sancti Petri, a sero increpito communale. Qui autem calumpniare voluerit, auri unciam I componat, et amplius hęc venditio firma et stabilis permaneat, stipulatione subnixa. Actum Lordono castello. S. Guiliriadę, quę vendidit et firmare rogavit. S. Constantini. S. Oddonis. S. Adalgardis, feminę. S. Guidonis. S. Aldonis. S. Bernardi. S. Eyrici. Girbaldus scripsit feria II, mense maio, regnante Lothario rege anno XXX.