Charta qua Rodulfus et uxor ejus Leotgardis notum faciunt se vendidisse monasterio Cluniacensi res suas in villa Masiliaco.
Noverint cuncti fideles quia ego Rotdulfus et uxor mea Leotgardis vendimus ad locum Cluniacum aliquid ex rebus nostris, quę sunt sitę in pago Matisconense, in villa Masiliaco: hoc est campum qui terminatur a mane via publica, a meridie terra Sancti Vincentii, a sero increpito et muro manufacto, a certio terra Sancti Petri et Constantini, et accipimus ab eis precium solidos II, et faciant monachi Sancti Petri quicquid voluerint; qui campus habet in longum perticas LXVI, in latum VI. S. Rotdulfi et uxoris ejus, qui vendiderunt et firmare rogaverunt. S. Armanni. S. Odonis. S. Ingelbaldi. S. Adalgrimi. S. Grimaldi. Data mense maio, anno XXX Lotharii regis. Rothardus scripsit.