In omnibus utique rebus et precipue certis in distinctionibus tam preclara sunt inserenda judicia, ne obscuritate vilescant, sed fidis undecunque comprobentur testificationibus. Proinde non ignorent tam presentes quamque futuri, qualiter domnus Aalongus, venerabilis memorię Luxoviensis cenobii abbas, cum consensu eorundem inibi degentium fratrum, vice concambii concedit ad locum Cluniacum quandam terram in pago Matisconensi sitam, in villa Sulistriaco et Davaiaco, scilicet omnem illam terram quę Sancto Petro evenit de jam dicto monasterio Luxoviensi: hoc sunt campi, vineę, silvę, prati, vircareę, aquę, quęsitum et ad inquirendum, totum ad integrum, cultum et incultum, cum omnibus appenditiis suis, et servos et ancillas, cum filiis ac filiabus. Interea etiam domnus ac venerabilis pater Maiolus et fratres qui sub ejus degunt regimine, reciproca vicissitudine donant ad locum Luxovium quandam terram quę jacet in comitatu Matisconensi, ac in villa Siniciaco: hoc est omnem alodium quem inibi Sanctus Petrus et Paulus habent, in presenti tempore concedit ad supradictum locum, scilicet Luxovium, campos, vineas, prata, silvas, aquas, vercherias, quęsitum simul et ad inquirendum, totum ad integrum, et servos utriusque sexus, excepto ęcclesiam Sancti Desiderii, cum cimiterio et suis decimis; in villa etiam Sanctiaco donat unam vineam quam Temquardus olim Sancto Petro contulerat; in Flatiaco autem donat tres vineas et unum campum de ratione Sancti Johannis Baptistę. Has ergo res denominatas prefatus pater et fratres Cluniacenses ad jam denominatum concedunt locum in loco scamii, ut ab hac die tam Luxovienses fratres quam etiam Cluniacenses, de his rebus quę unicuique evenit, ex utroque latere faciant pro voto, ita tenendi, vel reciprocandi. Et ut hoc decretum seu scamium ab ipso patre factum in posterum inconvulsum permaneat, manu propria subterfirmavit, ac fratribus corroborari jussit. S. Aalongi, venerandi abbatis. S. Girardi et Ruinoldi et Odonis et Constantini et Rainaldi et Milonis et Vualdonis et Johannis et Grimaldi et Ebbonis et David et Alberici et Vodilonis et Witberti et Landrici et Hunoldi et Reginelmi et Wicfridi et Bernardi et Warini et Ruotberti et Angilberti et Harduini. Data per manum Raginelmi, in mense octobri, anno XXX regnante Lothario, Francorum rege.