In Dei nomine. Ego Eiminus, presbiter, dono Deo et sanctis apostolis ejus Petro et Paulo, ad locum Cluniacum, ubi donnus Maiolus abba preesse videtur, unum curtilum cum vinea simul tenente, qui est situs in pago Matisconensi, in agro Ibgiacense, in ipsa villa, et terminatur a mane via puplica, a meridie terra Sancti Stephani, a sero Sanctę Marię Belmontensis et de ipsa hereditate, a certio via publica. Infra istos terminos, totum quod habeo dono. Dono iterum unum campum in loco ubi in Caligo dicitur, qui terminatur a mane terra Sanctę Marię Belmontensis, a meridie et a certio via publica, a sero terra Tetselini; et faciant seniores Clunienses quicquid voluerint. Si quis autem contradicere voluerit, de auro libras III componat, et inantea hęc carta firma et stabilis permaneat, stipulatione subnixa. Actum Cluniaco. S. Eimini, presbiteri, qui fieri et firmare rogavit. S. Sietbodi. S. David. S. Letboldi. S. Rotberti. S. Gisonis. S. Uboldi. S. Stephani. Ipse Eiminus, presbiter, scripsit XVI kal. januarii, anno XXXIX Lotharii regis.