Sacrosanctę Dei ęcclesię Cluniensi cenobio in honore beatorum apostolorum Petri et Pauli dicato, ubi donnus Maiolus preesse videtur. Ego, in Dei nomine, Benzius, presbiter, canonicus Sancti Pauli, pro remedio animę meę vel parentum meorum, dono unam vi[r]chariam et campum cum ea tenentem; quę terminatur a mane vinea Sancti Petri, a meridie terra Sancti Justi et terra Radulfi, a sero via publica et terra Sancti Martini et terra heredum Eldevaldi, a cirtio termido finale. Infra istos terminos, totum ad integrum dono atque transfundo ad ipsam casam; et faciant monachi Sancti [Petri] quicquid voluerint. Si quis autem contradixerit, anathema sit, et cui litem intulerit auri libram componat, et hęc donatio firma et stabilis permaneat, stipulatione subnixa. S. Benzi, qui fieri et firmare rogavit. S. Constancii, presbiteri. S. Wichardi. S. Eldeverti. S. Petroni. S. Eldevranni. Actum V kalendas aprilis, feria IIII, indictione XIIII, regnante Chorrado rege. Ragenoldus scripsit et subscripsit.