Noticia vuerpitionis apud Cluniacum, mense augusto acta, ante presentiam domni Viviani, venerabilis ejusdem loci prepositi, atque aliorum fratrum: hoc sunt Leudbaldi, Torinci, Hugonis, Girardi, Achedei, Teodorici. Proclamaverunt se monachi, adsistentibus nobilibus viris quamplurimis, de quodam vasso, nomine Gerberto, qui res eorum sibi injuste vindicabat, atque ejus fratre Ramnaldo. Ipse autem Gerbertus, recognoscens delictum suum, et quod nullam justam querelam haberet, omnia verpivit contra monachos; quecumque interpellabat monachos, inter Graonam et Fossatum Radgunt, omnia reddidit, atque ut gratiam Sancti Petri recipere mereretur, et omnium fratrum amorem erga se habere, sicut jam habuerat, de gutta Valusseria usque Jambone Arlui, usque prato Umberto, usque molendino Faia, silva Barosco, atque quantum appendit ibi, usque ad rivum Salnald, quantum Clemens ad opus Sancti Petri probavit, omnia ista reddidit Sancto Petro. S. Girbert. S. Rannaldi. S. Arleri. S. Durant. S. item Durant. S. Adalbert. S. Rannulfi. S. Deodati. S. Soffredi. Data per manum Aldebaldi, regnante Ludovico.