Divina providente clementia, hominibus concessum est ut ex reditibus quas jure hereditario possident, si eas juste dispertiant, æterna valeant premia promereri. Quapropter ego Raimbertus, sacerdos, dono Deo et sanctis apostolis ejus Petro et Paulo et ad locum Cluniacum aliquid ex rebus meis quę sunt sitę in pago Matisconense, in villa Carsiniaco, in agro Ciciacense: hoc est campum unum et unam vineam; qui campus terminat a mane terra Udulardi, a medio die rivo percurrente, a sero eredibus Lamberti, a cercio de ipsa hereditate; vinea autem supra nominata habet terminationes a mane rivo percurrente, a medio die vinea Udulardi de ipsa hereditate, a sero via publica, a cercio ad heredibus Lamberti. Infra istas terminaciones; quicquid ad meam partem adveniunt, totum dono Deo et sanctis apostolis ejus, et ad locum supra nominatum, pro remedium anime meæ et parentum meorum, et in locum sepulture. In tali autem tenore facio hanc donationem, ut quamdiu vixero, usum et fructum [habeam], et post meum discessum ad jam denominatum locum he res jam prelibate sine ullo contradicente perveniant, et in vestitura quatuor sextarios omni anno persolvat. Si quis autem hanc donationem calumniare voluerit, non valeat vindicare quod repetit, sed coactus judiciaria potestate, auri libras III persolvat, et post hæc ista donatio stabilis et firma permaneat, stipulatione subnixa. S. Raimberti sacerdotis, qui hanc donationem fecit et firmare rogavit. S. Dodonis sacerdotis. S. Utulardi. S. iterum Utulardi presbiteri. S. Rotberti. S. Ermandranni. S. Martini. S. Aremberti. Data in mense octobri. Joslenus, ad vicem cancellarii, rogatus scripsit, anno primo regnante rege Hugone.