Charta qua Aldricus et mater ejus Altrudis vendunt monasterio Cluniacensi campum super aquam quæ dicitur Cras.
Notum sit omnibus sanctę Dei ecclesię fidelibus, tam futuris quam presentibus, quod quidam homo, necessitate cogente, nomine Aldricus, et mater ejus Altrudis vendiderunt de rebus suis monacho Dac
fredo, videlicet unum campum arabilem extra villam quę dicitur Farcas, super aquam quę dicitur Cras, in agro Misiaco, et acceperunt ab eodem monacho solidos II; et terminatur ex tribus partibus terra Sancti Petri, ex una fronte prato Achardi. Si quis vero, quod minime credimus, hanc cartam calumpniare in aliquo presumpserit, auri unciam unam componat, et deinceps firma et stabilis permaneat, cum stipulatione subnixa. Actum Besorniaco villa publice. S. Aldrici et matris ejus Altrudis, qui vendiderunt et ipsi firmaverunt. S. Azonis. S. Huberti. S. Tetonis. S. Aremberti. S. Rotlanni. S. Armengisi. Constantius monachus scripsit, regnante Hugone rege.