Charta permutationis terrarum in villa Montelio inter monachos Cluniacenses, ex una parte, et Aidoardum uxoremque ejus Jozam, ex altera.
Scamium quod fecerunt Aidoardus et uxor sua Joza et filii ejus Hugo et Gimo et Gaufredus et Berardus, monachis Sancti Petri Cluniensis monasterii. In primis donant jam dicti partibus Sancti Petri vineam unam in comitatu Matiscensi, in villa Montelio, quę terminat ex omnibus partibus terra Sancti Petri. Econtra donant predicti monachi supradictis viris in eadem villa Montelio duas raschias de vinea quę terminant de duabus partibus terra ipsorum, de tercia terra Sancti Pontii, de quarta terra Bernoni, faciantque utrique ab hodierno in omnibus quicquid agere voluerint. S. Aidoardi et uxoris suę Joze et filiorum ejus Hugonis, Gimonis, Gaufridi et Bernardi, qui fieri et firmare hanc cartam rogaverunt. S. Stephani et Hildini et Hugoni. Regnante Hugone.