Charta qua Adscelinus et uxor ejus Girberga notum faciunt se vineam in villa Saliaco monasterio Cluniacensi pignori dedisse.
Notum sit omnibus quod ego Adscelinus et uxor mea Girberga incaucionavimus contra monachos Clunienses unam vineam pro solidis V, usque ad IIII annos; et si post IIII annos non fuerint soluti, usque in diem solutionis teneant. Est autem ipsa vinea in comitatu Matisconense, in villa Saliaco, ubi in Mallis vocant. S. Adscelini et uxoris ejus
Girbergę, qui fieri et firmare rogaverunt. S. Vidonis. S. Wilelmi. S. Evrardi. S. Girbaldi. Girbaldus scripsit, regnante Hugono rege.