Charta qua Malvinus dat in commutationem monasterio Cluniacensi campum in villa Seia.
Placuit inter Malvinum et seniores de Cluniaco commutare terras inter se. Malvinus dedit ad partem Sancti Petri campum situm in pago Matisconensi, in agro Laliacensi, in villa Seia; terminatur a mane et meridie terra Sancti Petri, a circio terra de ipsa hereditate, a sero via publica. Ista commutatio firma permaneat. Signum Malvini et fratris ejus Bernardi, et aliorum. Regnante Hugone rege.