Igitur, in Dei nomine, sciant omnes quod ego Silvius vendo monachis Cluniacensibus campum unum qui est situs in pago Matisconensi, in villa Missiaco, et habet in longum perticas X et dimidiam, et in lato VIII, atque sic terminatur: a mane via publica, a medio die terra Sancti Petri, a sero aqua currente; et accipio solidos duos et dimidium ab eisdem monachis. Actum Besorniaco publice. S. Silvii, qui fieri et firmare rogavit. S. Tedonis, Heldrici, Rannaldi, Ansierii, Rothardi, Aldrici, Raynarii. Data mense martio, regnante Hugone rege. Evrardus scripsit.