Charta qua Rainardus et uxor ejus Aldrudis vendunt monasterio Cluniacensi petiolam prati in villa Misiaco.
Ego Rainardus, domini fratres, et uxor mea Aldrudis, vendimus
Dacfredo monacho unam petiolam de prato quod est situm in pago Matisconensi, in agro Erniacense, in villa Misiaco, quantum ibi visi sumus habere, Inter Duas Aquas et ultra Fossedum VI pedes; et accepimus a vobis precium valente denarios XII. Si ergo nos, aut ullus de heredibus nostris hanc venditionem calumniari presumpserit, unam unciam auri persolvat, et faciant rectores Sancti Petri ab hac die et deinceps quicquid facere voluerint in omnibus. Actum Besorniaci publice. Data mense januario, regnante Hugone rege. S. Rainardi et Aldrudis, uxoris ejus, qui fieri et firmare rogaverunt. S. Humberti. S. Algis, Grimberti, Johannis, Isembaldi.