In nomine Verbi incarnati. Noverint cuncti fideles, quod ego Eldradus presbiter dono Deo et sanctis apostolis ejus aliquid ex rebus meis que sunt site in pago Matisconensi, in agro Marciacense, in ipsa villa: hoc est medium plantum quem de Arleio conquisivi; terminatur ipse medius plantus a mane via publica, a medio die de ipsa hereditate, a sero, a circio Sancti Petri. Infra istud terminium, meam partem vobis dono. Item dono in ipsa villa campum qui terminatur a mane terra Sancti Petri Cluniensis, a medio die Sancti Petri de Martiaco, a sero terra Arlei, a circio de ipsa hereditate: habet in longum perticas XVIIII, in lato perticas VIIII. Et in ipso eodem loco alium campum insimul tenentem, qui terminatur a mane et a sero terra Sancti Petri Cluniensis, a medio die et a sero de ipsa hereditate, et terra Arlei cum heredibus: et habet in longum perticas XVIIII, in lato VI. De ipso campo medietatem vobis dono. Item in ipsa villa unum pratum, qui Imbrolio vocatur, et terminatur a mane et a medio die terra Sancti Petri, a sero via publica, a circio de ipsa hereditate: et habet in longum perticas XXIII, in lato I. Item in ipsa villa vineam unam quę terminatur a mane et a sero de ipsa hereditate, a medio Ayduart, a circio Erico. Iterum in ipsa villa campum qui Avigilerio vocatur, et habet fines a mane et a circio de ipsa hereditate, a medio die terra Aaldradi, a sero via publica; habetque in longum perticas XL et dimidiam. Dono in tali tenore, ut quamdiu vixero teneam et possideam; post nostrum obitum, ad Sanctum Petrum perveniat. In vestitura dono campum in ipsa villa qui in Craio vocatur, quique terminatur a mane et a sero via publica, a medio die de ipsa hereditate, a circio Amando et Aymino presbiteris: habet in longum perticas C et VI et in lato II. Actum Cluniaci publice. S. Eldradi presbyteri, qui fieri et firmare rogavit. S. Erlei, Duranni, Deodati, Willelmi, Constantii, Eri. Data mense decembri, regnante Hugone. Evrardus levita scripsit.