Charta qua Odila dat monasterio Cluniacensi mansum in villa Ipgiaco.
Ego Odila dono Domino Deo et Sancto Petro unum mansum in tale convenientia, ut Lebardus, nepus meus, in vita sua habeat usum et fructum, et filius ejus Durannus similiter; post discessum vero eorum Sancto Petro remaneat. Et est ille mansus in pago Matisconensi, in agro Ingiaco, in villa Ingiaco, in Cantras vocat; terminat a mane terra Sancti Petri, a media die rivus percurrens, et a sero terra Sancti Petri, ad aquilone parte via publica. Infra istas terminationes, quantum ad ipsum mansum aspicere videtur, totum dono Domino Deo et
Sancto Petro, in convenientia supradicta. Si quis contradictor hujus carte fuerit, omnes sancti sint ei contrarii, omnesque maledictiones que in veteri et novo Testamento continentur, super eis veniant, nisi ad emendationem venerit. S. Odile, qui fieri et firmare rogavit cartam istam. S. Lebbardi. S. Doudati. S. Enpori. S. Lanterii. S. Hugoni. S. Rainaldi. Data per manus Johannis, mense marcio, anno secundo regnante Hugoni rege.
(Au dos:) Odila i[n] Ingiaco.