Charta qua Lambertus dat monasterio Cluniacensi res suas in villis Colonicas, Cavaniaco et Masiliaco.
In nomine Verbi incarnati. Noverint universi fideles, quia ego Lanbertus, recogitans peccaminum meorum enormitatem, dono Deo et sanctis apostolis ejus Petro et Paulo res meas quę sunt site in pago Matisconense, et in his villis: Colonicas, Cavaniaco, Malisiaco
(sic) positę, tam de hereditate quam etiam de conquisto, trado atque transfundo ad locum Cluniacum et ad predictos apostolos: hoc sunt campi,
vineæ, prati, cultum et incultum, quesitum et ad inquirendum, totum ad integrum, quantum in his villis visus sum habere, pro remedio animę meæ; ea scilicet ratione, ut quamdiu advixero teneam et possideam, et in vestitura omni anno IIII
or sextarios de vino persolvam, et post meum discessum, he res ad Cluniacum perveniant. Actum Cluniaco publice. S. Lanberti, qui fieri et firmare rogavit. S. Arlei. S. Ingelelmi. S. Adalberti presbiteri. S. Geraldi. S. Rainulfi. S. Raimberti. S. Gislardi. Data mense junio, anno secundo Hugone regnante rege. Rothardus, ad vicem cancellarii, scripsit.
(Au dos:) Lambertus, Colonicas, Cavaniaco, Masiliaco.