Charta qua Teotgrinus et uxor ejus Rotrudis dant monasterio Cluniacensi mansum in Tresdo.
Sacrosanctæ Dei æcclesię Cluniacensi, in honore beatorum apostolorum Petri et Pauli constructæ. Ego Teotgrimus et uxor mea Rotrudis donamus mansum unum in Tresdo, quem Innaldus tenuit, et quicquid in ipsa villa visi sumus habere, totum ad integrum pro remedio anima[rum] nostrarum, ad luminaria videlicet accendenda et ad sacerdotes qui ibi fuerint serviendum. Damus etiam de aliis rebus nostris: hoc sunt campi, prata, silvę, pascutę
{corr: pascuis} (sic), aquę aquarumque decursus, omnia ex omnibus, ut faciant qui ibi Deo servierint quicquid facere voluerint. Et si quis contra hanc donationem venire vel calumpniare
voluerit, coactus fisco dimidiam auri libram componat, et hęc donatio firma persistat, cum stipulatione subnixa. Actum villa Dardaria. S. Teogrimi et uxoris ejus Rotrudis, qui donationem fecerunt et firmare rogaverunt. S. Celestini, Gondrachi, Rotberti, Danielis, Gislardi, Wandalfredi, Teotmari. Lanbaldus presbiter rogatus scripsit, datavit die sabbato, mense novenbrio, anno IIII regnante Oddone rege.