Cunctis qui sane sapiunt notum est, quod fideles ex rebus quas possident, si eas juste dispertiant, æterna valeant premia promereri. Quapropter ego Dodo et uxor mea Lanberga, donamus Deo et sanctis apostolis ejus Petro et Paulo et ad locum Cluniacum aliquid ex rebus nostris que sunt site in pago Matisconensi, in villa et in agro Rufiacensi, hoc est campum unum qui terminat a mane terre Isnardi, a medio die via publica, a sero terra Dodoni, a certio terra Finaldi. In eadem villa dono alium campum qui terminat a mane terra Ildini, a medio die via publica, a sero terra Rainulfi, a cercio terra Odberti. Has res denominatas dono Deo, eo tenore ut, quamdiu ego Lanberga et filius meus Dominicus vixerimus, teneamus, et post nostrum discessum ad hoc locum Cluniacum perveniat; et in vestitura unam vineam que est in caucione pro sedecim solidis. Hactum Cluniaco publicæ. S. Dodoni et uxoris ejus Lanberge, qui fieri et firmare rogaverunt. S. Dominica. S. Petri. S. Dodoni. S. Otberti. S. Otherii. S. Girbaldi. S. Dodoni.