Noticia verpitionis hacta Cluniaco die prima mensis augusti. Ex multis precedentibus diebus vel annis proclamabant se monachi Clunienses de quodam milite Bernardo, qui terram beati Petri apostoli in villa Vallis sitam sibi injuste vindicabat: scilicet terram quam Trudgis in jam dicta villa jure testamentario delegaverat beato Petro. Veniens itaquę ante presentiam domni Viviani, venerabilis ejusdem loci prepositi, et conventu fratrum, verpivit omnem querelam quam injuste proclamabat suam, adibens testes viros nobiles, Achardum, Bladinum atquę Artaldum, aliosque quamplures. Ut igitur veniam peccatorum posset promerere et gratiam Sancti Petri ac communem omnium fratrum benivolentiam sibi reconciliare, hoc testamentum publice conscriptum, summisso vultu super altare Sancti Petri posuit; et ut reddita non repetantur, manu propria firmavit, invocans testem testium filium Dei unicum ac janitorem cęli eximium, beatum Petrum apostolum. S. Bernardi, qui verpicionem istam fieri rogavit.