Ego, in Dei nomine, Permincus dono Deo et sanctis apostolis ejus Petro et Paulo et ad locum Cluniacum aliquid de rebus meis que sunt site in pago Ledunensi, in agro Auriacense, in villa Lovensi, hoc est mansum indominicatum, cum capella in onore sancti Desiderii, cum omnibus appendiciis, hoc sunt vineis, pratis, silvis, pascuis, cultum et incultum, quesitum et ad inquirendum, totum et integrum, trado adque transfundo, ut faciant rectores jam dicti loci a die presente quiquid facere voluerint, sine ullo contradicente. Si quis vero de eredibus ejusdem ullam calomniam inferre presumserit, non valead quod repetit, sed primitus ira Dei incurrit et supradictis apostolis; et posthec donatio stabilis et firma permanead, stipulatione subnixa. S. Perminci, qui fieri et firmare rogavit. S. Constantini filii ejus. S. Ramnulfi.