Charta qua Ainardus dat monasterio Cluniacensi curtem indominicatam quæ dicitur in Montem, cum ecclesia sanctæ Mariæ et alias res in villa Rialiaco.
In nomine Dei omnipotentis. Ego Ainardus cogitavi de misericordia ejus; pro redemptione animarum omnium christianorum, dono Deo sanctisque apostolis ejus Petro et Paulo Cluniaco loco, cui preest domnus Maiolus abbas, meam curtem indominicatam, que dicitur in Montem, et in ipsa curte ęcclesia in honore sanctæ Marię, cum perœchia, cum omnibus suis apendiciis: hoc sunt curtilis, vineis, campis, pratis, silvis, molinariis, et in villa quę dicitur Rialiaco, totum quod visus sum habere; ea ratione quandiu vixero teneam, et postea huic loco perveniat. S. Ainardus, Johannes, Aimo, Faramundus, Girbertus, Eldinus, Garencus, Bernardus, Bertrannus, Tetardus. Raimundus scripsit, regnante Hugone rege anno IIII.