Werpitio Bernardi, etc., in villa Masiriaco ante domnum Vivianum et Lanfredum, monachos Cluniacenses.
Vuerpitio quam fecerunt Bernardus, alius Bernardus, Wibertus,
Ubertus ante dunnum Vivianum et Lantfredum, et ante nobiles viros, in villa Masiriaco, de querela quam ipsi habebant adversus Sanctum Petrum et monachos ejusdem, de bosco et de plano, et de omnibus quę inquietabant in ipsa villa et in omnibus apenditiis ejus, qui omnia dimiserunt et sese amplius nihil calumpniare promiserunt. S. Letaldi. S. Lietberti fratris ejus. S. Rainfredi. S. Fulcrardi. S. Girberti. Qui amplius removere voluerit, anathema sit.