Charta qua Heldierius dat monasterio Cluniacensi vineam in villa Chasaniaco.
Divina gratia ordinante, fidelibus concessum est ut ex reditibus suis immortalitatis commercium valeant adipisci. Quapropter ego Heldierius dono Deo et Sancto Petro [ad locum Cluniacum] aliquid ex rebus meis que sunt sitæ in pago Matiscensi, in villa Chasaniaco, in agro Martiacensi: hoc est vinea una que terminat a mane terra Arnart, a medio die terra Acart cum eris, a sero Rotlant, a certio Arlulf.
Hanc vineam cum omni integritate dono Deo et ad supradictum locum; et faciant [habitatores ipsius loci] quicquid voluerint. S. Heldierii, qui fieri et firmare rogavit. S. Andreas. S. Humbert. S. Rotgerii. S. Arembert. S. Alberi. Ego frater Evrardus levita scripsi, regnante Hugone rege anno quinto.
(Au dos:) Eldierii in Casaniaco.