In Dei nomine. Ego Girbertus dono Deo et sanctis apostolis ejus Petro et Paulo, ad locum Cluniacum, pro redemptione animę meę, et in locum sepulturę, aliquid de hereditate mea, hoc est unum campum, qui est situs in pago Matisconensi, in agro Euvrei, in villa Ayona, in loco ubi Apontilio vocant, et terminatur a mane terra ipsius Girberti, a meridie et a cirtio terra Sanctę Marię, a sero aqua volvente; sed in tali tenore, ut quandiu vixero teneam ex eo usum fructuarium, et in vestitura singulis annis duas deneradas de cera persolvam, post meum autem discessum ad jam dictum locum, nemine contradicente, perveniat. Qui autem contradixerit, non valeat vindicare quod repetit, sed coactus judiciaria potestate, auri libras III persolvat, et hęc donatio firma stabilisque permaneat, stipulatione subnixa. Actum Ayona villa publice. S. Girberti et Areiæ, uxoris ejus, qui fieri et firmare rogaverunt. S. Duranni, S. Tetberti, S. Rainfredi, filiorum ejus, qui consenserunt. S. Acberti. S. Duranni. S. Beraldi. S. Duranni. Joslenus monachus scripsit anno V Hugonis regis.