Sacrosancto et exorabili loco Cluniaco, in honore Dei et sanctorum omnium dicato, quem donnus Maiolus, venerabilis abba, Deo juvante, regere videtur. Ego, in Dei nomine, Heldricus, reminiscens enormitatem scelerum meorum, dono aliquid de rebus meis, quę sunt sitę in pago Matisconensi, in agro Fargias, in ipsa villa: hoc est unum mansum cum omnibus quę ad ipsum aspiciunt vel aspicere videntur, meam partem videlicet in vineas, campos, prata, silvas, pascuis, aquis aquarumque decursibus usque ad inquirendum; sed tali convenientia, ut quandiu vixero, usum fructuarium recipiam, et post meum discessum filius meus Durannus, et post ipsius mortem, ad prefatum locum, nemine contradicente, perveniant, cum omni integritate et cum omni libertate. Qui autem contradictor extiterit, quicumque ille fuerit, iram incurrat Dei omnipotentis, cum diabolo et angelis ejus in infernum demergatur, nisi emendaverit; coactusque judiciaria potestate, auri libras V persolvat, et postea firma et stabilis hęc donatio permaneat, stipulatione subnixa. Actum Besorniaco publice. S. Heldrici, qui fieri et firmare rogavit. S. Duranni, filii ejus, qui consensit. S. Josberti. S. Fulcranni. S. Rainbedi. S. Anselmi. S. Livonis. S. Deodati. S. Wandalfredi. S. Aleti. Data per manum Josleni, anno V regnante Hugono rege.