Ego, in Dei nomine, Arembertus vendo monachis Cluniensibus aliquid de rebus meis quę sunt sitę in villa Besorniaco, hoc est unum campum ultra Wanda, quatuor perticas habens in lato, in longo quantum tenet; et terminatur a mane terra Sancti Petri et Gisleberti, a meridie via publica, a sero terra Ingelgerii et Ingelbaldi, a cirtio muro manufacto. Accepi autem ab eis pro hoc campo precium XVIII denariorum. Vendo etiam eis pratum unum in eadem villa, terminatum a mane via publica, a meridie terra Sancti Petri, a sero rivo currente, a cirtio terra Aremberti ipsius venditoris. Accepit autem ab eis precium XII denariorum. S. Aremberti. S. Andulfi. S. Leterii. S. Constantii. S. Ingelgerii. S. Rothardi. S. Bernonis. S. Ilarię. S. Ingelberti. Actum Besorniaco, regnante Hugono rege anno V.