In nomine Verbi incarnati. Ego Adeleiz et filius meus Otherius donamus aliquid de res nostras proprias ad locum Cluniaco qui est consecratus in honore apostolorum Petri et Pauli, ubi domnus Maiolus abba preesse videtur. Sunt ipsas res sitas in pago Matisconense, in agro Ahuriacense, in villa que vocatur Vallis: hoc sunt duas vineas simul juncte, et abent terminationes a mane terra Sancti Andreæ, a medio die terra Vuandalmari, a sero de ipsa hereditate; item in alio loco vineam. Sunt vero terminationes a mane terra Sancti Andree, a meridie terra Vuandalmari, a sero via publica; item pratum unum qui terminat a mane terra Sancti Petri, a meridie terra Bernard, a cercio item terra Sancti Petri: in vestitura per unumquemque annum solvamus sextarios III de vino. In eo tenore quamdiu vixerimus, usum et fructum [teneamus], post nostrum discessum faciant rectores Sancti Petri quicquid facere voluerint. Firma vero et stabilis permaneat donatio ista. S. Adeleiz et filio suo Otherio, qui fierunt et firmare rogaverunt. S. Aldulfo. S. Rotbert. S. Vualterio. S. Girard. Data in mense januario, anno V regnante rege Ugone. Aymo sacerdos scripsit.