In divinis scripturis invenimus insertum: «Quia viri redemptio divitię anime ejus». Quapropter ego, in Dei nomine, Azelinus, vuadiator fratris mei Arnulfi, dono Deo et sanctis apostolis ejus Petro et Paulo, et ad locum Cluniacum, aliquid ex rebus ipsius Arnulfi, pro ipsa ejus anima, hoc est vineam unam que est sita in pago Matisconense, in villa Turro vocant; terminat ipsa vinea a mane terra Itberti, a medio die terra Sancti Petri, a sero similiter Sancti Petri, a certio Turgo vocat. Dono ipsam vineam pro anima ipsius, ut Dominus pius in futuro seculo ei vitam eternam donetur dignare. Actum Cluniaco publice. S. Azelini, qui hanc donationem fieri et firmare rogavit, pro ipsa fratris sui anima. S. Arlei. S. Evæ, sororis ejusdem Arnulfi. S. Rotrudis, item sororis ejus. S. Vuitberti. S. Bernardi. S. Algrini. Data die jovis, mense januario, regnante Ugono rege anno V. Ego Evrardus levita indignus scripsit, ad vicem cancellarii.