In nomine Verbi incarnati. Noverint quique fideles quod ego Aalbaldus vendo monachis Cluniensibus aliquid ex rebus meis in comitatu Maticensi [sitis. Est autem vinea una in villa Seia, in agro Laliacensi], habens in ambabus frontibus perticas decem et dimidiam, in longo perticas sex et dimidiam; accipio autem a supradictis rectoribus pretium octo solidos. Nichilominus vendo [eisdem monachis] in eadem villa campum unum pro duodecim denariis, habentem in lato perticam unam et in longo perticas decem et novem; faciantque rectores jam dicti loci de his rebus ab hodierno die quicquid facere voluerint. Actum Seia villa publice. S. Aalbaldi. S. Aaldrici. S. Rothardi. S. Bernardi. S. Johannis. S. Mainardi. S. Vuidradi. S. Gontardi. Regnante Ugone anno VI. [Balduinus scripsit.]