Charta qua Aldulfus et uxor ejus Balassendis atque filius eorum Bladinus dant monasterio Cluniacensi vineam in villa Besorniaco.
Ego Aldulfus et uxor mea Balassendis et filius noster Bladinus do
namus Sancto Petro suisque monachis unam vineam cum curtili simul tenente, in villa Besorniaco, quę Deodatus nobis donavit; et terminatur de uno latere et una fronte terra Sancti Petri, et de alio latere terra Uberti, et de alia fronte via publica. Infra istas terminationes, totum donamus Sancto Petro propter cellarii nostri quod in Besorniaco habemus; et faciant monachi Sancti Petri quicquid facere voluerint, sine alicujus contradictione. Actum Besorniaco publice. S. Aldulfi et uxoris ejus Balasendis et filii eorum Bladini, qui fieri et firmare rogaverunt. S. Girbaldi sacerdotis. S. Rothardi. S. Gisonis. Rotbertus scripsit, regnante Hugone rege anno VI.