Charta qua Aynardus, consentiente uxore sua Osanna, monasterio Cluniacensi in villa Besorniaco campi duas perticas vendit, unam vero dat.
Ego Aynardus, in nomine Dei, vendo duas perticas de campo in pago Matisconensi, in villa Besorniaco, monachis Cluniensibus, et unam perticam dono, quę terminantur de uno latere terra Livonis, de alio de ipsa hereditate, et de una fronte terra Adselini, de alia gutta currente; et accipio de ipsis precium quod valet octo denarios, et faciant quod voluerint. Actum Besorniaco publice. S. Aynardi, qui vendidit. S. Osannę, uxoris ejus. S. Aremberti, filii ejus. S. alii Aremberti. S. Itterii. S. Uldulfi. S. Wilelmi. S. Bernardi. Rotbertus scripsit, anno VI Hugonis regis.