Sacrosancto et exorabili loco Cluniaco, in honore beatorum apostolorum Petri et Pauli dicato, quem, Deo juvante, regit dunnus Odilo venerabilis abbas, ego, in Dei nomine, Landrada et filius meus Tetardus donamus aliquid de rebus nostris quę sunt sitę in pago Matisconense, in villa Igiaco, videlicet unam vineam, terminatam a mane de ipsa hereditate, a medio die et a sero terra Letbaldi episcopi, a cirtio via publica. Dono etiam in villa Agonya campum unum terrę arabilis, terminatum a mane via publica, a tribus partibus terra Sancti Petri. Dono etiam servum, nomine Contelmum. Infra ista[s] terminationes, totum ad integrum dono pro anima mea et filii mei Evrardi, et pro emendatione de ęcclesia de Vageia, quam inimicus veritatis fecit ei incendere: tali tenore, ut ab hac die predicti loci rectores faciant in omnibus quicquid voluerint, nullo homine contradicente. Qui autem contradixerit, vindicare non valeat quod repetit, sed componat tantum et aliud tantum; et hęc donatio firma et stabilis permaneat, cum stipulatione subnixa. Actum Cluniaco. S. Landradę et filii ejus Tetardi, qui fieri et firmare rogaverunt. S. Eldeberti. S. Duranni. S. Andreę. S. Contelmi. Data mense novembri, regnante Hugone rege anno VII.