Divina pietate legumque auctoritate sancitum est, ut de terrenis rebus cęlestia adquirantur, dicente Scriptura: «Sicut aqua extinguit ignem, ita helemosina extinguit peccatum.» Hujus igitur rei gratia, nos fidejussores [Petri], videlicet Adalbertus presbiter, Otbertus, Ermenaldus, ex voto ipsius Petri atque ipsius jussione, donamus Deo et sanctis apostolis ejus Petro et Paulo et loco Cluniaco, cui domnus Odilo reverendus abbas videtur preesse, aliquid de rebus ipsius jam dicti Petri, quę sunt sitę in pago Matisconensi, in villa Vetiscanico, de manso quem in Molerios vocant indominicato, in Profundo Vallis: hoc est unam medietatem de ipso manso quam idem homo tenebat in suos usus, cum una vinea et prato simul tenente. Sed et de alia hereditate quam ipse Petrus tenebat, omnia quę nobis jure hereditario eveniunt, unam medietatem quam dare ac vendere potuimus, vobis concedimus, cum vineis, pratis, aquis aquarumque decursibus, quęsitum et ad inquirendum, totum ad integrum concedimus vobis, ut faciatis quod volueritis in omnibus. Si quis vero hanc donationem calumniari voluerit, vindicare non valeat quod repetit, sed coactus auri unciam persolvat. Actum Rufiaci villę publice. S. Adalberti presbiteri, Otberti, Ermenaldi, qui hanc donationem pro anima Petri, consanguinei sui, fieri et firmare rogaverunt. S. Rannulfi. S. Rannaldi. S. Aremberti, Anastasii, Constantii, Arnulfi, Acherii, qui consensit. Data mense junio, regnante Hugone. Pontius, ad vicem cancellarii, recognovit.