Omnibus in Christo licet fidelibus scire, quod ego Rotbaldus marchio, et conjux mea, nomine Eimildis, donamus Deo et sanctis apostolis ejus Petro et Paulo, ad locum Cluniacum, cui preest domnus Odilo abba, aliquid ex nostra hereditate, quę sita est in comitatu Aurasico, hoc est castrum quod nominatur Podium Odolinum, totum ad integrum quantum ibi visi sumus habere, cum omnibus suis apendiciis. Testes Rotbaldus comes et uxor sua Eimildis; Adalax comitissa et filius suus Willelmus; Poncius, Leotgerius, Rostagnus de Sabran, Amelius, Stephanus, Aicardus, Willelmus vicecomes, Mantellinus, Abellonius, Hugo. Aimericus presbiter scripsit.