CCE: cartae cluniacenses electronicae
Database of the Charters of the abbey of Cluny (802-1300)

BB 2000     View  [Back]
Charta qua Wigo dat monasterio Cluniacensi terram in villa Ronensi.
Divina pietate legumque auctoritate sanccitum est, ut homo ex propriis rebus suis quas, Domino donante, percepit, ipso Domino adjuvante, pro animæ suæ [remedio] reddere debeat. Quapropter ego Vuigo dono Domino Deo et sanctis apostolis ejus Petro et Paulo, ad locum Cluniacum, cui preest domnus Odilo abba, atque ad locum Ronense, qui locus consecratus est in nomine sancti Georgii martyris Christi, aliquid ex rebus meis quę sunt in pago Lucdunense, in vicaria Ronense, in ipsa villa: hoc est terra qui terminat a mane et a medium diem via publica, a sero [terra] Sancti Georgii, a cercio via publica. Infra istas terminaciones, ad locum jam supradictum dono, et faciant monachi Sancti Petri quicquid facere voluerint in omnibus. Si quis contradixerit, ira Dei omnipotentis et sanctorum apostolorum incurrat, et cum Dathan et Abiron in infernum demergatur; et inantea stabilis et firma permaneat, constipulacione subnixa. S. Vuigono, qui fieri fecit et firmare rogavit. S. Acmini. S. Gausmaro. S. Eldevaldi. S. Arlebaldi. S. Antelmi. S. Eldini sacerdoti. S. Rotbaldi. S. Giraldi. S. Agmini. S. Bricchii. Nadal[is] ad vicem cancelarii scripsit.
(Au dos:) Vuigo, in vicaria Ronense.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung