Charta qua Hugo dat monasterio Cluniacensi res suas in villa Euriacho.
In nomine Verbi incarnati. Ego, in Dei nomine, Hugo cogito de Dei
misericordia, dono aliquid Deo et sanctis apostolis ejus Petro atque Paulo, ad locum vocabulo Cluniensis cœnobii, ubi domnus Odilo abbas præesse videtur ad regendum, mansum unum cum vircaria et vinea atque prato qui conjacet in villa Euriacho, et habent ipsas res superius nominatas terminationes ex omnibus partibus terra Sancti Pauli; ea vero ratione dono vobis, ut quamdiu vixero usum et fructum possideam et in vestitura per unumquemque annum sex sextarios de vino persolvam. S. Hugoni, qui hanc donationem fieri et firmare rogavit. S. Otgerii. S. Anscherichi. S. Bernardi. S. Arulfi. Armannus s[acerdos] scripsit.