Doctor vitæ et magister salutis æternæ, Dominus noster Jesus Christus, inter verba cœlestia et mandata salutaria operibus misericordiæ in evangelio docet insistendum, ut videlicet perituris diviciis minime succumbamus, sed thesauros in cœlo fideliter reponamus. Quapropter ego Unbertus, reminiscens magnitudinem peccatorum meorum, ob salutem et redemptionem animæ meæ, concedo Deo Salvatori sanctisque ejus apostolis Petro et Paulo Cluniensique monasterio sub eorum honore dedicato, et sub providentia domni Odilonis abbatis posito, unam ecclesiam qui est in honore sanctæ Mariæ, in pago Lugdunensi, in villa que dicitur Quinciaco [in presenti et post meum decessum, et unam fracetia in Monte Canino, quam debet Wandalbertus Juvenis], unum mansum qui est in ipsa villa et omnia que ad ipsum mansum pertinent, et Fulgerio cum infantibus suis; et modo in presenti dimitto receptum quod ipse Fulgerius debebat in vestitura. S. Unberti, qui hanc cartam fieri jussit et firmare rogavit. S. Ugoni fratri ejus. S. Arberti. S. Ugoni et alium Ugonem. S. Wicchardi.