In nomine Verbi incarnati. Notum sit cunctis fidelibus sanctę Dei ecclesię, quod ego Leotardus, consencientibus filiis meis Guntardo, Vuldrico et Godulrico, dono Deo et sanctis ejus apostolis Petro et Paulo, ad locum Cluniacum, aliquid de mea hereditate quæ sita est in pago Matisconensi: hoc est silvam quę cog[no]minatur Tangebovem et est sita in confinio ville Donziaci, a Fontana Nigra usque ad rivum de Puteolis; terminat autem de aliis partibus terra Sancti Petri et Sancti Vincencii. Dono etiam in villa Buferias quicquid ibi habere videor. Facio autem hanc donationem pro re[me]dio animę meę, et in locum sepulture. Si quis autem hanc donationem calumpniare presumpserit, vindicare quod expetit non valeat.