Charta permutationis terrarum in villa Besorniaco inter monasterium Cluniacense et Walterium.
Scamium fecerunt monachi Clunienses cum Vualterio. In primis
donat Vualterius in villa Besorniaco [tres campos]; terminat unus campus de omnibus partibus terra Sancti Petri, a cercio de ipsa hereditate, abet in longo perticas XXX novem, in lato perticas II; alius campus abet perticas in longo XLII, in una fronte V et in alio IIII, terminat a mane terra Sancti Petri, a medio die terra Bladini, a sero via publica, a cercio terra Ingelfredi; alius campus abet in longo XXXII perticas, in unaquaque fronte perticas V, terminat ex omnibus partibus terra Sancti Petri. Econtra donant monachi supradicto viro Valterio campum unum in ipsa villa, qui terminat a mane et a medio die via publica, a sero terra Bertardi, a cercio terra Landrici et Rothardi; et faciat unusquisque quiquid facere voluerit. S. Odilo, abbas. S. Viviani. S. Vualterii. S. Lanfredi. S. Uberti. S. Vuarnerii.