Charta qua Wichardus, filius Joceranni, dat monasterio Cluniacensi mansum in loco Chantres terramque in villa Buferias, etc.
In nomine sancte et individuę Trinitatis. Ego Wichardus, reminiscens enormitatem meorum peccaminum, dono aliquid de hereditate mea ad locum Cluniacum, ubi preest [domnus] Odilo abbas, videlicet unum mansum qui est situs in pago Matisconense, in loco qui dicitur Chantres, cum omnibus appendiciis suis, et hoc dono ad presens beatis apostolis Petro et Paulo, ut sine aliqua calumpnia teneant monachi de Cluniaco ab hodierno die et deinceps. Dono etiam aliam terram in villa Buxferias et in Monte Sereno et in Curtilis, quam pater meus Jocerannus conquisivit de Vuichardo, cum campis, silvis, pratis, aquis, aquarumve decursibus; et hoc donum facio in tali tenore, ut quamdiu vixero teneam, post mortem vero meam absque ulla calomnia ad predictum locum perveniat. Facio etiam vuerpicionem de terra et curtilis quantum ad me pertinet. Si quis huic mee donationi aliquam calumniam inferre voluerit, ira Dei super eum manebit, et cum impiis penas luet, nisi emendatio congrua subvenerit. Et ut hac carta firma permaneat, tactu proprie manus eam consigno cum ceteris qui subscripti sunt. S. Vuichardi, qui hanc cartam fieri fecit, et firmari rogavit. S. Lanberti. S. Achardi. S. alterius Lanberti. S. Wigonis.
(Au dos:) Carta Wichardi.