Omnibus presentis seculi facultates possidentibus, ut quandiu vivunt bona sua herogando æternam vitam possint acquirere concessum est divinitus. Ideo ego Rainardus, in Christi nomine, dono Deo sanctisque ejus apostolis Petro et Paulo, monachisque Cluniensis cenobii, quibus preest abba Odilo, aliquid de mea hereditate, scilicet unam vineam in villa Sancti Pontii, et terminat a mane, a sero, a meridie terra Sancti Petri, a circio via publica. Hanc donationem facio ut Deus mei misereretur. Quam si quis calumniare presumpserit, iram incurrat omnipotentis Dei. S. Stephani et Rotgerii, fratrum R[ainaldi]. S. Vuillelmi, fratris ejusdem. S. Costancii. S. Gislardi. S. Petri. S. Vuitberti. Iterius scripsit.