Charta qua Leotaldus et uxor ejus Rotrudis dant monasterio Cluniacensi medietatem coloniæ et duos servos in villa Civignono.
In nomine Dei et Domini nostri Jesu Christi. Notum sit cunctis Christi signaculo insignitis, quod ego Leotaldus et uxor mea, nomine Rotrudis, donamus Deo et sanctis ejus apostolis Petro et Paulo, ad locum Cluniacum, aliquid de nostra hereditate: hoc est unam medietatem de colonia cum appendiciis suis, in pago Augustodunense, in villa Civignono, in agro Sedunense; donamus etiam duos servos cum uxoribus et infantibus suis, nomina unius servi Durannus, et alterius
Jhoannes, et retineo unum de filiis Johannis, nomine Bernardum. Donamus etiam hereditatem memoratorum servorum totam ex integro. Facimus hanc donationem pro remedio animarum nostrarum, et in tali conventu, ut, qamdiu vixero, teneam, et, omni anno, in festivitate Omnium Sanctorum, IIII
or denarios in censu persolvam; post vero meum discessum, ad memoratum locum remaneat. Excommunicationem etiam fieri rogamus, ut nunquam alicui detur in beneficium, sed semper sit in usus fratrum. Si quis vero contra hanc donationem calumniam inferre conaverit, nisi cito resipuerit, sit pars ejus in inferno cum Juda, traditore Domino; et hec donatio stabilis maneat. Signum Leotaldi et uxoris ejus Rotrudis, qui hanc donationem fecerunt.
(Au dos:) Leotaldi in Civignono.