Notum sit omnibus christicolis, quod quidam homo, nomine Raymbaldus, Sancti Petri servus, veniens, et pro remedio anime sue et patris sui ac matris sue omniumque parentum suorum, vivorum atque defunctorum, donat eidem Sancto Petro, ad locum Cluniacum, cui domnus Odilo preest, omnem suam hereditatem, quam habere videbatur in villa Bassiaco: hoc sunt vinee, campi; tali conventu ut ab hac die et deinceps nullam causam requirat de eadem terra, nec ipse, nec alius mortalis homo. Idem etiam Raymbaldus vuerpivit illam terram quam nos comparavimus de Oddone clerico, quam etiam idem Raimbaldus de Alberto monacho comparavit atque usque hodie tenuit, ut jam ullus ab hodierna die nichil in ipsi requirat, nec ipse, nec alius mortalis homo. Idem etiam Raymbaldus firmavit.